İqtisadiyyat.az bu gün baş tutacaq tamaşaları təqdim edir:
Bu gün Azərbaycan Dövlət Akademik Musiqili Teatrında "Məchul pilləkən" balet-tamaşası nümayiş olunacaq. Səhnə əsəri 12:00-da başlayır. Biletin qiyməti 7 manatdır.
Bu gün Şuşa Dövlət Musiqili Dram Teatrında uşaqlar üçün "Danışan gəlincik" tamaşası nümayiş olunacaq. Tamaşa saat 12:00-da başlanacaq. Biletin qiyməti 7 manatdır.
Bu gün Akademik Rus Dram Teatrında "В гостях у сказки" tamaşası oynanılacaq. Tamaşa saat 12-də başlanır. Biletin qiyməti 5 manatdır.
Bu gün Azərbaycan İncəsənət Məktəbində "Tıq-tıq xanım" tamaşası nümayiş olunacaq. Tamaşa saat 13:00-da başlanır. Biletin qiyməti 4 manatdır.
Akademik Musiqili Teatrında "Utancaq qız" tamaşası oynanılacaq. "Utancaq qız" monotamaşası dünya ədəbiyyatının görkəmli nümayəndəsi Fyodor Dostoyevskinin eyniadlı fantastik povesti əsasında Xalq artisti Cənnət Səlimovanın quruluşunda hazırlanıb. Tamaşanın tərcüməçisi və yeganə qəhrəmanı Əməkdar artist Şövqi Hüseynovdur. Tamaşa saat 17:00-da başlanır. Biletin qiyməti 8 manatdır.
Gənc Tamaşaçılar Teatrında "Kod adı V.X.A" adlı tamaşa nümayiş olunacaq. Tamaşanın quruluşçu rejissoru Əməkdar incəsənət xadimi Mehriban Ələkbərzadədir. Səhnə əsəri saat 18:00-da başlanır. Biletlərin qiyməti 8-15 manat arasında dəyişir.
Bu gün Sport Plaza Hoteldə Rüstəm İbrahimbəyovun əsəri əsasında hazırlanmış "Şirəbənzər" tamaşası nümayiş olunacaq. Bu sevgi dramının bileti 10 manatdır. Sport Plaza Hotel Heydər Əliyev prospektində yerləşir. Tamaşa saat 19:00-da başlayacaq və 187C binasının 15-ci mərtəbəsində nümayiş etdiriləcək.
Bu gün "M Teatr"da Stefan Svayqın "Yad qadının məktubu" əsəri əsasında eyniadlı tamaşa nümayiş olunacaq. Tamaşa 19:00-da başlayacaq. Biletlər 10-20 manat arasında dəyişir. "M Teatr"ı Tbilisi prospekti 76 ünvanında, "Qanun" nəşriyyatının binasında yerləşir.
Akademik Musiqili Teatrında C.Məmmədquluzadənin "Anamın kitabı" əsəri əsasında hazırlanmış tamaşa ingilis dilində nümayiş olunacaq. Tamaşa saat 19:00-da başlanır. Biletin qiyməti 15-20 manat arasında dəyişir.
Şuşa Dövlət Musiqili Dram Teatrında "Lənkəran xanının vəziri" adlı tamaşa nümayiş olunacaq. Tamaşa saat 19:00-da başlanır. Biletin qiyməti 10 manatdır.
Akademik Rus Dram Teatrında "Он, она, окно…любовник" adlı tamaşa oynanılacaq. Səhnə əsəri saat 19:00-da başlanır. Biletin qiyməti 15 manatdır.
Akademik Milli Dram Teatrında Həsən Həsənovun “Qürbətdən gələn məktublar” tamaşası nümayiş olunacaq. Səhnə əsəri saat 19:00-da başlanır. Biletin qiyməti 7-12 manatdır.
