Bu gün nələr gözlənilir? 

Sertifikasiyadan keçə bilməyən müəllimlər üçün bu gündən Bakı şəhəri, Abşeron-Xızı, Gəncə-Daşkəsən və Quba-Xaçmaz regionları üzrə ixtisasartırma təlimlərinə başlanılır.

Bu gün günün ikinci yarısında ölkə ərazisində yağıntıların intensivliyi azalacaq. Axşama doğru isə tədricən kəsiləcək. Bəzi yerlərdə dolu düşəcəyi ehtimalı var.

Aprel ayında bir neçə zəif və bir güclü maqnit qasırğası gözlənilir. 4 bal gücündə ilk qasırğanın məhz bu gün müşahidə ediləcəyi gözlənilir.

Xankəndi-Gorus alternativ yolunun bu gün açılacağı gözlənilir.

Bu gün Füzuli Dövlət Dram Teatrında “Molla Nəsrəddin” tamaşasının premyerası keçiriləcək. Səhnə işinin nümayişi “1 aprel – Gülüş günü”nə həsr olunacaq.

Bakıda yeniyetmə boksçular arasında Ümummilli Lider Heydər Əliyevin 100 illiyinə həsr olunan beynəlxalq turnirin final döyüşləri bu gün baş tutacaq.

Azərbaycanın daha 4 cüdoçusu Türkiyənin Antalya şəhərində keçirilən Böyük Dəbilqədə bu gün mübarizəyə başlayır.

Bu gün türkiyəli müğənni Sərdar Ortacın Bakıda konserti olacaq. Konsert Bakı Konqres Mərkəzində baş tutacaq.

Papa Fransisk bu gün müalicə aldığı xəstəxananı tərk edəcək.