Bu gün nələr gözlənilir?

İqtisadiyyat.az xəbər verir ki, Elm və təhsil naziri Emin Əmrullayev bu gün Göygöl rayonunda vətəndaş qəbulu keçirəcək. Qəbulda Göygöl, Gəncə, Naftalan, Daşkəsən, Goranboy, Samux, Kəlbəcər və Xocalı sakinlərinin iştirakı nəzərdə tutulub. 

Rusiyanın “IrAero” aviaşirkəti Novosibirsk–Bakı-Novosibirsk marşrutu üzrə birbaşa uçuşlara başlayır. Yeni reyslər üzrə uçuşlar həftədə iki dəfə həyata keçiriləcək. İlk uçuş bu gün baş tutacaq. Hava gəmisi yerli vaxtla saat 14:00-da havaya qalxacaq. Bakıya eniş isə saat 15:40-da planlaşdırılır. Uçuş 4 saat 40 dəqiqə çəkəcək.

Bu gün Türkiyənin Antalya şəhərində start götürəcək Böyük Dəbilqə turnirinə qatılan Azərbaycan cüdoçuları bəlli olub. Qardaş ölkədəki yarışda 17 idmançı mübarizə aparacaq. Qeyd edək ki, turnir aprelin 2-də başa çatacaq.

Türkiyədə prezidentliyə namizədlərin yekun siyahısı bu gün “Resmi gazete”də dərc olunacaq və bundan sonra onlar təşviqat kampaniyasına başlaya biləcəklər. Xatırladaq ki, Türkiyədə mayın 14-də prezident və parlament seçkiləri keçiriləcək.

Lukaşenko bu gün Belarus parlamentinə və xalqa müraciət edəcək. 

Ağ Evin İqtisadi Məsləhətçilər Şurasının sədri Sesiliya Rouz bu gün istefa verəcək.

Bu gün Rusiya Federasiyasının Belarus ərazisində nüvə silahı yerləşdirmə planları ilə bağlı BMT Təhlükəsizlik Şurasının iclası keçiriləcək.