Bu gün Macarıstanın paytaxtı Budapeşt şəhərində Türk Dövlətləri Təşkilatının (TDT) enerji nazirlərinin iclası keçiriləcək. TDT baş katibi Kubanıçbek Omuraliyev toplantıda iştirak etmək üçün Macarıstanda səfərdədir.
Bu gün saat 10:00-da “Azəristiliktəchizat” ASC-nin sədrinin vəzifələrini müvəqqəti icra edən İlham Mirzəliyev Naftalan şəhərində Naftalan, Goranboy və Xocalı sakinləri üçün vətəndaş qəbulu keçirəcək.qəbul Şıxəli Qurbanov küçəsi, 77 ünvanında yerləşən Heydər Əliyev Mərkəzində olacaq.
Bu gün Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecəyə doğru bəzi yerlərdə yağış yağacağı ehtimalı var. Havanın temperaturunun gecə 8-12°, gündüz 15-18° isti olacağı ehtimal edilir.
Azərbaycanın şimal və qərb rayonlarından başlayaraq bəzi yerlərdə havanın arabir yağıntılı olacağı, qar yağacağı, ayrı-ayrı yerlərdə intensiv olacağı, şimşək çaxacağı, dolu düşəcəyi proqnozlaşdırılır.
"Bakı Fond Birjası"nda yeni ticarət sisteminə keçidlə əlaqədar qeyri-ticarət saatları müəyyən edilib. Qeyri-ticarət saatları bu gün günün ikinci yarısında - saat 13:00-dan qüvvədə olacaq. Xatırladaq ki, BFB 1997-ci ildə yaradılıb. Birjanın səhmdarları 20 hüquqi şəxsdir.
Bu gün Beynəlxalq Muğam mərkəzində Xalq artisti Əhməd Bakıxanovun xatirə gecəsi keçiriləcək. Tədbirin biletləri 10 manatdan başlayır.
