Avropa İnsan Haqları Məhkəməsi (AİHM) gələn bu gün Azərbaycandan göndərilmiş ərizələr üzrə 2 yekun qərarını elan edəcək. 

Azərbaycan Dövlət Akademik Musiqili Teatrı İbrahim Sadıxovun “Molla Nəsrəddinin beş arvadı” əsərinin tamaşası ilə bu gün Mingəçevir teatrının səhnəsində çıxış edəcək. 

Şuşa Dövlət Musiqili Dram Teatrı isə “Lənkəran xanının vəziri” tamaşasını bu gün Qusar Dövlət Ləzgi Dram Teatrında nümayiş etdirəcək. 

Ukrayna Prezidenti Volodimir Zelenski bu gün Avropa İttifaqına üzv ölkələrin liderlərinin sammitində çıxış edəcək. 

Bu gün Türkiyədə prezidentliyə namizədlərin irəli sürülməsi ilə bağlı təyin olunan vaxt yerli vaxtla saat 17:00-da başa çatacaq. Namizədlərin yekun siyahısı isə martın 31-də elan olunacaq. 

Alimlər xəbərdar etmişdilər ki, yazın əvvəlində Yer kürəsinin sakinləri güclü maqnit fırtınasının təsirini hiss edəcəklər. Həmin maqnit fırtınası bizim planetin elektromaqnit sahəsini poza bilər. Bu təbiət olayı martın 16-sı və 17-si hiss edilib. Elektromaqnit dalğalarının növbəti güclü titrəyişi isə martın 23-də, yəni bu gün gözlənilir.

Beynəlxalq yarışlardan kənarlaşdırılan futbol üzrə Rusiya milli komandası bu gün İran seçməsi ilə yoldaşlıq matçı keçirəcək. 

Bu gün 2024-cü ildə Almaniyada keçiriləcək Avropa çempionatının seçmə mərhələsinə start veriləcək. İlk olaraq C, H və J qruplarında səkkiz oyun keçiriləcək. Günün maraqla gözlənilən qarşılaşması İtaliyada baş tutacaq. Turnirin son qalibi finalda məğlub etdiyi İngiltərəni qəbul edəcək.