"Azərişıq" ASC-nin sədri Vüqar Əhmədov bu gün saat 10:00-da Hacıqabul şəhərində Hacıqabul və Şirvan rayonlarından olan vətəndaşları qəbul edəcək. Qəbul Hacıqabul şəhəri, İsmət Qayıbov küçəsində yerləşən Hacıqabul Elektrik Şəbəkəsinin inzibati binasında keçiriləcək.
Dövlət Gömrük Komitəsinin sədri Şahin Bağırov Neftçala və Salyan rayonlarından olan vətəndaşları qəbul edəcək. Vətəndaş qəbulu bu gün saat 10:00-da Neftçala şəhərində yerləşən Heydər Əliyev Mərkəzində baş tutacaq. Qəbul zamanı Neftçala və Salyan rayonları sakinlərinin gömrük məsələləri ilə bağlı müraciətləri dinləniləcək.
“Azəriqaz” İB-nin inzibati binasında növbəti “Açıq qapı” aksiyası bu gün saat 11:00-da başlayacaq. Aksiya "Facebook" sosial şəbəkəsi üzərindən canlı yayımlanacaq.Vətəndaşların sualları da canlı yayım vasitəsilə cavablandırılacaq. Hər bir media qurumu, QHT nümayəndəsi və sosial şəbəkə fəalları (blogger) bu tədbirə dəvətlidir.
Bu gün saat 15:00-da Adana avtovağzalından sonuncu təxliyə avtobusu Azərbaycana yola düşəcək.
Bu gün Azərbaycan Dövlət Akademik Filarmoniyasında xalq artisti Rübabə Muradovanın 90 illiyinə həsr olunmuş konsert proqramı keçiriləcək. Konsert saat 19:00-da başlayacaq.
"Sadece", "Yara", "Saçlar" və daha bir çox dillər əzbəri olan mahnılarıyla məşhurlaşan türkiyəli müğənni Kalben ilk dəfə Bakıda konsert proqramı ilə çıxış edəcək. Sənətçinin konserti bu gün “Park Bulvar”da “Hayal Kahvesi” adlanan məkanda baş tutacaq və saat 21:00-da başlayacaq.
