Bu gün Bakı və Sumqayıt şəhərləri, eləcə də Abşeron rayonu üzrə pensiyaların ödənilməsi nəzərdə tutulub. Bildirilib ki, güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək.
Bu gün Milli Məclisin plenar iclası keçiriləcək. İclasda ümumilikdə 13 məsələ müzakirə olunacaq. İclasda insan hüquqları üzrə müvəkkilin (ombudsman) illik məruzəsinin dinlənilməsi nəzərdə tutulur.
Bu gün Azərbaycan Prezidenti yanında Əfv Məsələləri Komissiyasının növbəti iclası keçiriləcək. İndiyə kimi iclaslarda baxılan müraciətlərin sayı 900-ü ötüb.
Bu gün Bakı Kitab Mərkəzində “Poeziya və musiqi rüzgarı” adlı konsert proqramı təqdim olunacaq. “Gənclərə dəstək” layihəsi çərçivəsində baş tutacaq konsert Beynəlxalq Qadınlar Gününə həsr olunub. Tədbir saat 14:00-da başlayacaq və giriş sərbəstdir.
Bu gün futzal üzrə Azərbaycan millisi DÇ-2024-ün əsas mərhələsində sonuncu oyununu keçirəcək. Joze Alesio Da Silvanın baş məşqçi olduğu komanda Polşanın qonağı olacaq. Hazırda 9 xalı olan Azərbaycan yığması elit-raunda vəsiqəni ötən tur təmin edib. Qarşılaşma qrup liderliyi baxımından əhəmiyyətli olacaq. Oyun Bakı vaxtı ilə saat 23:00-da başlanacaq.
Bu gecə UEFA Çempionlar Liqasında 1/8 final mərhələsinin cavab matçlarına start veriləcək. İlk oyun günündə 2 qarşılaşma keçiriləcək. Bununla da 1/4 finalın ilk iştirakçıları müəyyənləşəcək.
Saat 00:00 Çelsi – Borussiya Dortmund
Saat 00:00 Benfika - Brügge
