Bu gün nələr gözlənilir?
İqtisadiyyat.az xəbər verir ki, bu gün respublikanın 29 şəhər və rayonunda 11-ci sinif şagirdlərinin buraxılış imtahanı təşkil olunacaq. İmtahanda 50498 şagirdin iştirakı nəzərdə tutulur. İmtahan saat 11:00-da başlanır.
Hər il martın 5-i Azərbaycanda Bədən Tərbiyəsi və İdman Günü kimi qeyd olunur. Bu gün münasibəti ilə müxtəlif rayonlarda idman yarışlarının keçirilməsi nəzərdə tutulur.
Bu gün Çin hökuməti tərəfindən 2023-cü ilin sosial-iqtisadi inkişaf planı çərçivəsində ölkənin müdafiə büdcəsinin 7.2 % artırılacağı gözlənilir.
Bu gün Estoniyada parlament seçkiləri keçiriləcək. Birpalatalı qanunverici orqanda 101 yer uğrunda 968 namizəd mübarizə aparır.
Bu gün Formula 1-in ilk "Qran Pri"si çərçivəsində
Bəhreyndə ilk yarış günüdür.
Bu gün milli futbolçumuz Mahir Emreli Türkiyə Super liqasının növbəti turu çərçivəsində yeni komandasında debüt edə bilər. Mahirin formasını geyindiyi "Konyaspor" öz evində "Giresunspor"la qarşılaşacaq. Oyun Bakı vaxtı ilə saat 17:00-da başlayacaq.
Bu gün futbol üzrə Azərbaycan çempionatında iki maraqlı oyun baş tutacaq. Saat 17:00-da "Qəbələ" "Qarabağ"ı qəbul edəcək. Saat 19:30-da isə "Neftçi" Bakıda "Turan"ı sınağa çəkəcək.
