İqtisadiyyat.az bu gün baş verəcək hadisələrin siyahısını təqdim edir.
Bu gün saat 10:49-da payız fəsli Azərbaycana daxil olacaq.
Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Toivo Klaar bu gün Azərbaycanda səfərdə olacaq. Səfər iki gün davam edəcək.
Azərbaycan Dövlət Gənc Tamaşaçılar Teatrı 96-cı mövsümünə bu gün başlayır. Saat 12.00-də Kiplinqin “Mauqli”, saat 19.00-da isə İlqar Fəhminin “Balaca kişilər” tamaşaları nümayiş olunacaq.
Azərbaycan Dövlət Pantomima Teatrı 31-ci teatr mövsümünə bu gün başlayır. Bu günün repertuarında “Pantomima buketi” adlı tamaşa yer alır. Yaradıcı heyət artıq bir neçə ildir mövsümə bu səhnə əsəri ilə başlayır.
Xarici İşlər Nazirliyinə diplomatik xidmətə qəbul üzrə yazılı imtahanın xarici dil biliyi və Azərbaycan dili üzrə yazı bacarığını yoxlayan ikinci mərhələsi bu gün keçiriləcək.
Su kəmərində təmir-bərpa işlərinin aparılması ilə əlaqədar 22 sentyabr axşam saatlarından bu gün günün birinci yarısınadək Binə qəsəbəsinə içməli suyun verilməsində məhdudiyyətlər olacaq.
Ermənistan hökumətinin qərarı ilə amerikalı reper Snup Doqun bu gün İrəvanda baş tutmalı olan konserti təxirə salınıb.
Rusiyanın xarici işlər naziri Sergey Lavrov bu gün BMT Baş Assambleyasının ümumi siyasi müzakirələrində çıxış edəcək.
Gürcüstanda təlim-məşq toplanışını davam etdirən qadın futbolçulardan ibarət Azərbaycan milli komandası bu gün gürcü həmcinsləri ilə yoldaşlıq oyunu keçirəcək.
Bu gün futbol üzrə Azərbaycan çempionatında növbəti turun iki oyunu keçiriləcək. Saat 18:00-da "Sumqayıt" Tovuzun "Tura" komandasını qəbul edəcək. Saat 20:30-da isə "Zirə" "Neftçi" ilə qarşılaşacaq.
