İqtisadiyyat.az bu gün baş verəcək hadisələrin siyahısını təqdim edir.
Bu gün bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub. Bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu məlumat yayıb.
Bu gün Laçın rayonunun Zabux kəndinə köç başlayır. İlk mərhələdə 20 ailə (88 nəfər) kəndə köçürüləcək.
Bu gün aparılan təmir işləri ilə əlaqədar Ağdam, Masallı və Ağdaş rayonlarının bir hissəsinin qaz təchizatı saat 09:00-dan etibarən işlər başa çatanadək dayandırılacaq.
Baş prokuror Kamran Əliyev bu gün saat 10:00-da Qax rayon prokurorluğunun inzibati binasında Qax, Şəki, Balakən və Zaqatala rayon sakinlərinin qəbulunu keçirəcək.
Bu gün Energetika naziri Pərviz Şahbazov Gədəbəy, Şəmkir və Daşkəsən rayonlarından olan vətəndaşları qəbul edəcək. Qəbul saat 12:00-dan başlayaraq Gədəbəy rayon Heydər Əliyev Mərkəzində (ünvan: Heydər Əliyev prospekti 1) keçiriləcək.
Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Aqrar innovasiya festivalları çərçivəsində bu gün növbəti toxum sərgi-yarmarkası Ağstafa rayonunda təşkil olunacaq.
Türkiyənin xarici işlər naziri Hakan Fidan bu gün Ukraynaya gedəcək. O, həmkarı Dmitro Kuleba ilə görüşəcək. Nazirlərin Ukraynadakı müharibəni, o cümlədən “Taxıl sazişi”nin perspektivini müzakirə edəcəkləri gözlənilir.
Hindistanın Baş naziri Cənubi Afrika paytaxtı Yohannesburqda keçirilən BRİCS sammitindən sonra, bu gün Yunanıstana yollanacaq. Bununla da Narendra Modi son 40 ildə Yunanıstana səfər edən Hindistanın ilk hökumət rəhbəri olacaq.
Bu gün futbol üzrə Misli Premyer Liqasında 4-cü tura start verilir. Turun ilk oyununda “Araz-Naxçıvan” “Sumqayıt”la qarşılaşacaq. Görüş saat 20:00-da “Dalğa Arena”da keçiriləcək.
