İqtisadiyyat.az bu gün baş verəcək hadisələrin siyahısını təqdim edir. 

Dövlət İmtahan Mərkəzi tərəfindən I ixtisas qrupu üzrə ali təhsil müəssisələrinə qəbul imtahanı keçiriləcək. 

Kənd Təsərrüfatı Nazirliyi tərəfindən paytaxtda təşkil olunan “Kənddən Şəhərə” həftəsonu yarmarkası bu gün də davam edir. Yarmarkanın təşkilində əsas məqsəd yerli fermerlər üçün alternativ satış kanalı yaratmaq, eyni zamanda şəhər sakinlərini təbii, yerli və sağlam kənd məhsulları ilə dolğun şəkildə təmin etməkdir. Nərimanov rayonu, Fətəli xan Xoyski küçəsi, 5 (“Gənclik” metro stansiyasının yanı) ünvanında keçiriləcək yarmarkada müxtəlif regionlardan dəvət olunan fermerlər yerli kənd təsərrüfatı və qida məhsullarını satışa çıxaracaqlar. 

Region Liqasının 2022/2023-cü illər mövsümünün final qarşılaşması baş tutacaq. Tovuz şəhər stadionunda keçiriləcək oyunda “Çinar-Zəngilan" “Qusar” klubu ilə qarşılaşacaq. Final oyununda cari mövsümdə ilk dəfə olaraq Region liqasında VAR sistemi tətbiq ediləcək. Oyun saat 16:00-da başlanacaq. 

Bakıda keçirilən taekvondo üzrə dünya çempionatı bu gün başa çatacaq. Turnirdə indiyə qədər 11 idmançımız iştirak edib və heç biri medal qazana bilməyib.

Uşaqlar üçün saat 12:00-da Rəşid Behdubov adına Dövlət Mahnı Teatrında və Gənc Tamaşaçılar Teatrında "Bremen musiqiçiləri", Şuşa Dövlət Musiqili Dram Teatrında "Əlibaba və 40 quldur", Akademik Rus Dram Teatrında "Uqaday skazku" tamaşaları nümayiş olunacaq. Şuşa Dövlət Musiqili Dram Teatrında saat 14:00-da isə azyaşlılar üçün "Göyçək Fatma" tamaşası nümayiş olunacaq. 

Məşhur kamança ustası Mark Eliyahu bu gün "The Show Is About Love" turnesi çərçivəsində Bakıda Heydər Əliyev sarayında konsert proqramı ilə çıxış edəcək. Konsert saat 20:00-da başlanacaq. Biletlərin qiyməti 40-220 manat arasında dəyişir.