İqtisadiyyat.az bu gün baş verəcək hadisələrin siyahısını təqdim edir. 

Bu gün Dövlət İmtahan Mərkəzi tərəfindən IV ixtisas qrupu üzrə ali təhsil müəssisələrinə qəbul imtahanı keçiriləcək. 

Bu gün Bakı İdman Sarayında Uşaqların Beynəlxalq Müdafiəsi Gününə həsr olunmuş "Möcüzəli göy qurşağı" adlı şou-proqram baş tutacaq. Konsert saat 16:00-da başlanır. Biletlər 15 manatdır.

Bu gün Azərbaycan Dövlət Gənc Tamaşaçılar Teatrında saat 12:00-da “Şirinlər” (P.Culliford) tamaşası nümayiş olunacaq. 

Bu gün Şuşa Dövlət Musiqili Dram Teatrında "Cırtdan" tamaşası nümayiş olunacaq. Tamaşa saat 12:00-da başlanır. Biletlərin qiyməti 7-8 manatdır. Saat 14:00-da isə "Qaraca qız" tamaşası nümayiş olunacaq. Biletin qiyməti 7 manatdır.

Bu gün Azərbaycan Dövlət Rus Dram Teatrında uşaqlar üçün "Volşebnaya Karusel" tamaşası nümayiş olunacaq. Tamaşa saat 12:00-da başlanır. Biletlərin qiyməti 5 manatdır.

Bu gün Rəşid Behbudov adına Dövlət Mahnı Teatrında uşaqlar üçün "Sing" musiqili personajları ilə "Zveropoy" şousu nümayiş olunacaq. Konsert saat 12:00-da başlanır. Biletlərin qiyməti 10-25 manat arasında dəyişir.

Bu gün Lənkəran Dövlət Dram Teatrında Tərlan Abdullayevin qələmə aldığı və quruluş verdiyi "Yalançı Şahzadə" tamaşası nümayiş olunacaq. Tamaşa saat 14.00-da başlanacaq.

Bu gün Bakıda futbol üzrə Azərbaycan kubokunun finalı baş tutacaq. "Neftçi" - "Qəbələ" finalı saat 20:00-da başlayacaq.

Bu gün mayın 28-də keçirilən seçkilərdə yenidən Türkiyə Prezidenti seçilən Rəcəb Tayyib Ərdoğanın andiçmə mərasimi keçiriləcək.