İqtisadiyyat.az bu gün baş verəcək hadisələrin siyahısını təqdim edir.
Baş prokuror Kamran Əliyev bu gün saat 10:00-da Astara rayon prokurorluğunun inzibati binasında Astara, Masallı, Yardımlı, Lənkəran və Lerik rayon sakinlərinin qəbulunu keçirəcək.
Bu gün səhər saatlarından başlayaraq gün ərzində Bakı şəhəri Nəsimi və Nərimanov rayonlarının bir hissəsinə içməli suyun verilməsində məhdudiyyətlər olacaq. Məhdudiyyətlərin səbəbi magistral su kəmərində təmir-bərpa işlərinin aparılmasıdır. "Azərsu" yaranacaq narahatlıqla əlaqədar abonentlərdən üzr istəyir.
Bu gün Moskvada Azərbaycan, Ermənistan və Rusiya Federasiyası baş nazirlərinin müavinlərinin regional nəqliyyat kommunikasiyalarının bloklanması məsələsinə dair görüşü keçiriləcək.
Bu gün Azərbaycan Respublikasının Ədliyyə naziri Fikrət Məmmədov Qazax rayonunda ədliyyə fəaliyyəti ilə bağlı Qazax, Ağstafa və Tovuz rayonlarından olan vətəndaşları qəbul edəcək.
“Azəriqaz” İB-nin inzibati binasında növbəti “Açıq qapı” aksiyası bu gün olacaq. Saat 11:00-da başlayacaq aksiya feysbuk üzərindən canlı yayımlanacaq. Vətəndaşların sualları da canlı yayım vasitəsilə cavablandırılacaq. Hər bir media qurumu, QHT nümayəndəsi və sosial şəbəkə fəalları (blogger) bu tədbirə dəvətlidir.
Milli Məclisin növbədənkənar sessiyasının ilk komitə iclasının vaxtı açıqlanıb. Parlamentin İqtisadi siyasət, sənaye və sahibkarlıq komitəsinin iclası bu gün keçiriləcək.
Bakıda keçirilən taekvondo üzrə dünya çempionatında bu gün baş tutacaq kişi taekvondoçular arasında 54 kq və qadınlar arasında 46 kq-da Azərbaycan millisinin idmançılarının ilk rəqibləri bəlli olub. 21 yaşadək taekvondoçular arasında Avropa çempionu Səyyad Dadaşov (54 kq) mundiala 1/16 finaldan başlayacaq. O, bu mərhələdə Omonjon Otajonov (Özbəkistam) – Brayan Qarrido Reyes (Kolumbiya) cütünün qalibini gözləyir. Minayə Əkbərova (46 kq) da debüt görüşünə 1/16 finaldan başlayacaq. İslam Həmrəyliyi Oyunlarının gümüş medalçısı Ruka Okamoto (Yaponiya) - Sarai Sançes (Puerto-Riko) qarşılaşmasının güclüsü ilə üz-üzə gələcək.
Beynəlxalq Yoqa Günü ilə bağlı təşkil edilən silsilə tədbirlər çərçivəsində bu gün Respublika Velotrekində ictimaiyyətə açıq yoqa dərsi keçiriləcək. Hindistanın Azərbaycandakı səfirliyinin təşkilatçılığı, Klassik Yoqa Məktəbi və Azərbaycan Velosiped Federasiyasının (AVF) dəstəyi ilə baş tutacaq kütləvi idman tədbiri saat 08:00-da başlayacaq. Açıq dərsə Klassik Yoqa Məktəbinin müəllimi, tanınmış yoqa mütəxəssisi Elçin Quliyev rəhbərlik edəcək.
Kosmik Tədqiqatlar İnstitutunun Günəş rentgen şüaları astronomiyası laboratoriyası və Rusiya Elmlər Akademiyasının Günəş-Yer Fizikası İnstitutu bu gün planetdə maqnit qasırğasının gözlənildiyini bildirib. Geomaqnit qasırğasının intensivliyinin G1 kateqoriyası olacağı gözlənilir. G1 maqnit qasırğaları zəifdir və ümumiyyətlə gözədəyməz keçir. Homomaqnit qasırğalarının gücü beş ballıq şkala ilə qiymətləndirilir.
Türkiyə parlamentinə yeni seçilən millət vəkilləri bu gün and içəcək. Hakim Ədalət və İnkişaf Partiyası (AK Parti) qanunverici orqanda 268 deputatla təmsil olunacaq. Cümhuriyyət Xalq Partiyası (CHP) 169, Milliyyətçi Hərəkat Partiyası 50, İYİ Partiya 43, Yenidən Rifah Partiyası 5, Yaşıl Sol Partiyası 61, Türkiyə İşçi Partiyası 4 deputat yeri qazanıb.
