İqtisadiyyat.az bu gün baş verəcək hadisələrin siyahısını təqdim edir.
Bu gün Bakı Şəhər İcra Hakimiyyəti tərəfindən paytaxtda növbəti ümumşəhər daxili iməcliyinin keçirilməsi qərara alınıb. İməclik zamanı şəhərin prospekt və küçələrində, həyət və məhəllələrdə təmizlik-abadlıq işləri görüləcək.
Bu gün “Yüksəliş” müsabiqəsinin əyani mərhələsinin ilk imtahanı olan qabiliyyət üzrə yoxlama imtahanı keçiriləcək. Bu mərhələdə müsabiqə iştirakçılarının verbal təhlil, rəqəmsal təhlil və abstrakt düşüncə bacarıqları təkrar yoxlanılır. İştirakçılar öncədən təyin olunan məkanlarda əyani şəkildə iştirak edirlər.
“Əziz Şuşa” beynəlxalq velosiped yarışında bu gün dördüncü mərhələ keçiriləcək. Yarışa bu dəfə Gəncədən start veriləcək. Velosipedçilər Gəncədə təyin olunmuş marşrut üzrə dövrə vurduqdan sonra Göygöl Milli Parkına qədər 102,9 km məsafə qət edəcəklər.
Bu gün Azərbaycan Avtomobil Federasiyası (AAF) idman avtomobillərinin yürüşünü təşkil edəcək. Bakı-Lənkəran marşrutu üzrə keçiriləcək yürüş Heydər Əliyev Mərkəzinin qarşısından səhər saat 9:00-da start götürəcək. Yürüşdə Avtomobil Federasiyasından qeydiyyatdan keçmiş idman avtomobilləri iştirak edəcək.
Bu gün “Təhsilimiz: dünəndən sabaha” elmi-praktik konfrans keçiriləcək. Əməkdar müəllim Asif Cahangirovun 75 illiyinə həsr edilən konfrans Azərbaycan Dövlət Pedaqoji Universitetində baş tutacaq. Qazaxıstan, Yeni Zelandiya, Rusiya, Gürcüstan və Azərbaycandan elm və təhsil xadimlərinin təmsil olunacağı konfrans Elm və Təhsil Nazirliyi, Təhsilin İnkişafı Fondu, Bakı Şəhəri üzrə Təhsil İdarəsi və Azərbaycan Dövlət Pedaqoji Universitetinin təşkilatçılığı ilə reallaşacaq.
Bu gün Peşə Təhsili üzrə Dövlət Agentliyi, Avropa İttifaqı və BMT-nin İnkişaf Proqramının birgə əməkdaşlığı ilə dənizkənarı bulvar ərazisindəki Saat meydanında "Bir peşənin sirri" adlı festival təşkil olunacaq.
Bu gün "Eldorado Beach"də rok festivalı keçiriləcək. "Xəzərin sahilində" adlanan rok konserti saat 19:00-da başlanacaq.
"Sea Breeze Resort"da isə Jah Khalibin konserti baş tutacaq. Saat 20:00-da başlanacaq konsertin biletləri 60-320 manat arasında dəyişir.
Bu gün türkiyəli müğənni Çelik Bakıda, Heydər Əliyev sarayında konsert proqramı ilə çıxış edəcək. Saat 19:00-da başlanacaq konsertin biletləri 40 manatdan başlanır.
Bu gün yer kürəsində güclü maqnit qasırğası olacaq. Bu, həm meteohəssas insanlara, həm də sağlam insanlara təsir edəcək.
Bu gündən Sinqapurda çimərlik güləşi üzrə Dünya Seriyasının 2-ci mərhələsi başlayacaq. Yarışda ölkəmizi Rübail İbrahimli (70 kq), İbrahim Yusubov (90 kq) və Oyan Nəzəriani (+90 kq) təmsil edəcək.
Bu gün İstanbulda UEFA Çempionlar Liqasının bu mövsümdəki qalibi bəlli olacaq. Həlledici görüşdə İngiltərənin "Mançester Siti" klubu ilə İtaliyanın "İnter" klubu qarşılaşacaq. Oyunsaat 23:00-da başlanacaq.
.jpg)
