Bu gün meşə fondu torpaqlarında 14 mindən artıq ağac əkilib.
İqtisadiyyat.az xəbər verir ki, bu barədə Ekologiya və Təbii Sərvətlər Nazirliyindən bildirilib.
Ölkə ərazisinin meşə fondu torpaqlarında yeni meşə əkinləri və meşəbərpa tədbirləri davam edir, hər bölgənin iqlim şəraitinə uyğun müxtəlif növ ağaclar əkilir, toxumlar səpilir.
Meşələrin İnkişafı Xidmətinin rəsmisi Cabbar Qəribov bildirib ki, Regional Meşə Təsərrüfatı Mərkəzlərinin əməkdaşlarının iştirakı ilə bu gün Qəbələ, Quba, Tovuz, Şəmkir və Göygöl rayonlarının meşə fondu torpaqlarında, ümumilikdə 14 605 ədəd müxtəlif növ ağac əkilib.
