"Bir neçə gün əvvəl nəqliyyat məsələlərinə həsr olunan müşavirədə ölkə başçısı Prezident İlham Əliyev çıxışı ilə son 20 ildə Azərbaycan kommunikasıya inkişafının sözlə xəritəsini çəkdi, desək yanılmarıq. Cənab Prezidentin də qeyd etdiyi kimi 20 ildə Azərbaycan infrastukturu kökündən dəyişib". 

Bu sözləri İqtisadiyyat.az-a açıqlamasında Milli Məcllisin depuatı Müşfiq Cəfərov deyib. 

Onun sözlərinə görə, bu illər ərzində 21 min kilometr avtomobil yolu inşa olunub: "Bakı şəhərində böyük infrastruktur lahiyələri icra olunur. Lakin müşavirədə çıxışında cənab Prezidentin də dediyi kimi Bakı şəhərinin tıxac məsələləri gündən-günə böyüyən böyük bir problemə çevrilib. Müşavirədə dövlət başçısı ölkə nəqliyyatının bütün sahələrində əldə olunan naliyyətlərlə yanaşı, qarşıda duran təxirəsalınmaz lahiyələrlə bağlı da danışıb. Hazırda ölkə daxilində bütün şəhərlər bir-birinə yeni yollarla bağlanır. Kəndlərdə yolların salınması və mövcud yolların təmiri təqribən 90 faiz artıb. Dövlət büdcəsindən hər il infrastruktur lahiyələrinin reallaşması üçün böyük vəsaitlər ayrılır. Həmçinin Bakı şəhərində də metrostansiyaların sayı getdikcə artırılır". 

Deputat qeyd edib ki, hazırda icrası nəzərdə tutulan yeni infrastruktur lahiyəsində 10 yeni metro stansiyasının inşası nəzərdə tutulub: "Cənab Prezident İlham Əliyev müşavirədə Azərbaycanın beynəlxalq kommunikasıyadakı rolundan da danışıb. Bəli, ölkəmiz vacib coğrafi mövqeyə malikdir. Lakin əgər uzaqgörən siyasətə malik idarəçi olmasaydı, Azərbaycanın mühüm kommunikasıya qovşağında yerləşməsi heç bir məna daşımazdı".

"Bu gün heç bir dünya okeanına çıxışı olmayan Azərbaycan əvəzolunmaz beynəlxalq nəqliyyat mərkəzlərindən birinə çevrilib. Təbii ki, bu statusun arxasında gərgin bir əmək dayanır. Hazırda ölkəmizdən Şərq-Qərb, Şimal-Cənub nəqliyyat dəhlizləri keçir və bu yollardan daşınan yüklərin həcmi günbəgün artır. Ölkə nəqliyyatına həsr olunan müşavirədə Zəngəzur dəhlizi barədə də danışılıb. Prezident İlham Əliyev bu barədə danışarkən deyib ki, dünyada bir ölkədə qalmayıb ki, bu layihə təqdim edilməsin. Beynəlxalq aləmdə artıq Zəngəzur dəhlizi ifadəsi geniş bir kommunikasiya mənası deməkdir. Təbii ki, Azərbaycan bu layihəni reallaşdıracaq və buna öz məqsədləri naminə mane olmaq istəyənlərin planları iflasa uğrayacaqdır. Bakı şəhəri üçün nəzərdə tutulmuş infrastruktur layihələrinin icrası həm insanların rahat yaşaması üçün, həm də ölkəmizin inkişafı üçün  böyük əhəmiyyəti var", - M.Cəfərov əlavə edib.

Elçin Mehdiyev