Dünyanın aparıcı suveren sərvət fondlarından biri olan Norveç Sərvət Fondu bu ilin birinci rübündə 109 milyard dollar mənfəət əldə edib.

İqtisadiyyat.az xəbər verir ki, bu barədə qurum məlumat yayıb.

Buna səbəb texnologiya səhmlərinə investisiyaların artması olub. Bununla da fondun bazar dəyəri 31 mart tarixinə 1 trilyon 610 milyard dollar olub.

Məlumata görə, Norveç Sərvət Fondu 1990-cı ildən bəri ölkənin neft və təbii qaz hasilatından əldə etdiyi gəlirlərlə xarici ölkələrin səhmlərinə, istiqrazlarına və daşınmaz əmlak bazarlarına investisiyalar yatırır.Norveç hökuməti fondun gəlirlərinin yalnız kiçik bir hissəsini istifadə edə bilir, qalan böyük hissəsi isə gələcək nəsillər üçün saxlanılır.

Fondun Norveçdən kənarda 72 ölkədə və 8859-dan çox şirkətdə investisiyaları var və dünya birjalarında səhmlərin 1,5 faizinə sahibdir. Fondun həcmi Norveçdə adambaşına 283 min dollara bərabərdir.

 

Gözəl Həşimova