İrlandiyanın ucuzqiymətli hava yolları şirkəti "Ryanair" ən yaxşı illik mənfəətini açıqlayıb.

İqtisadiyyat.az xəbər verir ki, bu barədə şirkət maliyyə nəticələrini açıqlayıb.

Məlumata görə, sərnişin və gəlir artımı yüksək əməliyyat xərclərini kompensasiya edib.

Bu ilin yanvar-mart aylarında aviaşirkətin mənfəəti 34% artaraq rekord səviyyəyə - 1,92 milyard avroya çatıb. Hesabat dövründə "Ryanair"in gəliri isə illik müqayisədə 25% artaraq 13,44 milyard avroya çatıb.

Aviaşirkət 184 milyon sərnişinə xidmət göstərib ki, bu da 2019-cu illə müqayisədə 23% çoxdur.

Şirkət, həmçinin 700 milyon avro dəyərində səhmlərin geri alınması proqramını elan edib.

 

 

Gözəl Həşimova