Bakı Şəhər İcra Hakimiyyəti Yaşıllaşdırma Təsərrüfatı Birliyinin işdən çıxarılan keçmiş əməkdaşı qurumu məhkəməyə verib.

İqtisadiyyat.az xəbər verir ki, Birliyin keçmiş işçisi Paşayev Bariz Paşa oğlu məhkəməyə ərizə ilə müraciət edib.

O, müraciətində haqsız yerə işdən çıxarıldığını bildirib.

B.Paşayev Yaşıllaşdırma Təsərrüfatı Birliyi tərəfindən işə bərpa edilməsini və əmək haqqının da ödənilməsini tələb edir.

İddia hakim Cəmilə Musayevanın sədrliyi ilə araşdırılacaq. Məhkəmə iddianı təmin edərsə, Yaşıllaşdırma Təsərrüfatı Birliyi keçmiş əməkdaşını işə bərpa etməyə və onun işdən ayrıldığı müddət üçün əməkhaqqısını ödəməyə məcbur olacaq.

Xatırladaq ki, Bakı Şəhər İcra Hakimiyyəti Yaşıllaşdırma Təsərrüfatı Birliyinin baş direktoru Həsrət Əmrahovdur.