Britaniyalı milyarderin dəbdəbəli yaxtası cəmi 60 saniyəyə batıb.

İqtisadiyyat.az xəbər verir ki, bu barədə Almaniyanın "Bild" qəzeti yazır. 

Avqustun 19-na keçən gecə Bayesian yaxtası səhər saat 4 radələrində qəfil fırtına nəticəsində Palermo körfəzində lövbər salıb. Bu zaman fırtınanın təsirindən yaxta batmağa başlayıb. Hadisə sahildəki villaların kameraları tərəfindən lentə alınıb.

"British Bill Gates"ə məxsus yaxta bir dəqiqə ərzində dənizin dibinə qərq olub. 

Yaxtada olan 22 nəfərdən indiyədək 15 nəfər xilas edilib, bir nəfər ölü tapılıb, altı nəfər hələ də itkin düşmüş sayılır, çox güman ki, onlar da ölüb.

Britaniyalı milyarder Linçin özü, 18 yaşlı qızı Hanna və biznes tərəfdaşları itkin düşənlər arasındadır. Xilasedicilər helikopter və dalğıcların cəlb olunduğu axtarışları davam etdirirlər.