Aprelin 17-də səhər saatlarında Cənubi Uelsin Monmutşir şəhərində Britaniyanın silah istehsalçısı "BAE Systems" şirkətinin ən böyük fabrikində partlayış baş verib.

İqtisadiyyat.az xəbər verir ki, bu barədə BBC məlumat yayıb.

Məlumata görə, Cənubi Uels Yanğın və Xilasetmə Xidməti hadisə yerinə xilasedicilərin və həkimlərin cəlb edildiyini, xəsarət alanların olmadığını bildirib.

"BAE Systems" partlayışdan sonra zavodda təhlükəsizlik tədbirlərini gücləndirdiyini və zavodun yaxınlığındakı sakinlərin risk altında olmadığına əmin olduğunu bildirib. Şirkət nümayəndəsi bildirib ki, hadisənin dəqiq səbəbləri aydınlaşdırılır.

"BAE Systems" fabriki ikinci dünya müharibəsi zamanı Britaniya Hərbi Dəniz Qüvvələrinin ehtiyaclarını təmin etmək üçün tikilib.