"Mohadan 54 dəniz mili şimal-qərbdə naməlum şəxslər gəmiyə hücum edib. Hücumuna məruz qalan gəmi zədələnib, lakin ekipaj xəsarət almayıb". 

İqtisadiyyat.az xəbər verir ki, bu barədə Birləşmiş Krallıq Dəniz Ticarət Əməliyyatları (UKMTO) məlumat yayıb. 

"Gəmi sahibi şirkətin təhlükəsizliyinə cavabdeh olan işçi gəminin zədələndiyini bildirir, lakin gəmi və onun heyəti təyinat limanına doğru üzməkdə davam edir", - məlumatda qeyd edilib.

Qeyd edilib ki, UKMTO əvvəllər də gəmi yaxınlığında partlayışla bağlı xəbərlər almışdı. 

Britaniyanın dəniz təhlükəsizliyi şirkəti "Ambrey"in məlumatına görə, Cibutidən Qırmızı dənizdəki Ciddə limanına doğru hərəkət edən Malta bayrağı altında üzən konteyner gəmisi hücuma məruz qalıb. Şirkətin məlumatına görə, gəmiyə üç raket atılıb. Hücumun səbəbi onun operatorunun İsraillə iş görməsi ola bilər.