Böyük Britaniya və Avropa İttifaqı (Aİ) 2040-cı ilə qədər iqtisadiyyata ən azı 12 milyard dollar əlavə edəcək müdafiə və təhlükəsizlik sahəsində əməkdaşlığa dair yeni pakt və balıqçılıq sazişi imzalayıb.

İqtisadiyyat.az xəbər verir ki, bu barədə Böyük Britaniyanın Baş naziri Key Starmerin ofisinin yaydığı bəyanatda deyilir.

Londonda keçirilən ilk Böyük Britaniya-Avropa İttifaqı sammitinin fonunda elan edilən razılaşmaya sanitariya və fitosanitar tədbirlər haqqında yeni saziş daxil olacaq. O, müddət ilə məhdudlaşmayacaq və krallıq ilə Avropa arasında qida və içkilərin idxalını və ixracını asanlaşdırmaq, bürokratik maneələri azaltmaq və sərhədlərdə yük maşınlarının gözləmə vaxtlarını azaltmaq üçün nəzərdə tutulub.

Böyük Britaniya və Aİ müdafiə, ərzaq ticarəti və sərhəd nəzarəti, eləcə də Avropa balıqçı gəmilərinin Britaniya sularına çıxışı sahələrində əməkdaşlığı genişləndirmək üçün yeni sazişlər imzalayıb. Qeyd edilib ki, Aİ balıqçı gəmilərinin Böyük Britaniya sularına çıxışı 12 il müddətinə uzadılıb. Əldə edilmiş razılaşmalara əsasən, Böyük Britaniya Aİ-nin 150 milyard avroluq (170 milyard dollar) müdafiə krediti proqramına çıxış əldə edəcək

 

Gözəl Azadəliyeva