İqtisadiyyat.az xəbər verir ki, bu barədə Böyük Britaniya Xarici İşlər Nazirliyinin departament rəhbəri Devid Lamminin Kiyevə səfərindən sonra yayılan bəyanatında deyilir.

London, həmçinin Ukraynanın enerji sisteminin bərpası və dayanıqlığının artırılması məqsədilə innovativ enerji layihələri üçün 21,2 milyon dollar ayıracaq.

Bundan əlavə, Böyük Britaniya Ukraynada kiçik və orta biznesin dəstəklənməsi üçün 10 milyon funt sterlinq (12,5 milyon dollar), uşaqlara və əlillərə yardım da daxil olmaqla sosial xidmətlərin göstərilməsi üçün 25 milyon funt sterlinq (31,2 milyon dollar) ayıracaq.

Ümumilikdə, 2022-ci ilin fevralında müharibə başlayandan bəri Böyük Britaniya Ukraynaya 977 milyon funt sterlinq (1,2 milyard dollar) həcmində birbaşa iqtisadi yardım göstərməyi öhdəsinə götürüb.

 

Gözəl Həşimova