Bananların qəhvəyi rəngə çevrilməsi təbii bir prosesdir. Belə ki, zaman keçdikcə meyvə yetişir və həddindən artıq etilen istehsal edir. Sarı piqmentlərin qəhvəyi rəngə çevrilməsinə fermentativ qaralma deyilir.

İqtisadiyyat.az dünya mediasına istinadən xəbər verir ki, qəhvəyi rəngə çevrilmiş bananlar həyati təhlükə yaratmasa da, onlar kiflənir və tez bir zamanda xoşagəlməz qoxu verməyə başlayır.

Buna görə də Böyük Britaniyanın kənd təsərrüfatı-biotexnologiya şirkəti "Tropic" bu problemi həll etdiyini iddia edir. Məlumata görə, onlar qəhvəyi rəngə çevrilməyən gen redaktə texnologiyasından istifadə edərək müxtəlif bananlar yaradıblar.

Eyni zamanda, bu bananlarda artıq "Panama xəstəliyi" problemi müşahidə edilməyəcək. "Panama xəstəliyi" ciddi banan xəstəliyidir və bu gün dünyada banan sənayesinin üzləşdiyi ən ciddi təhlükələrdən biridir.

Bəyanatda deyilir ki, yeni bananlar qida tullantılarını və karbon emissiyalarını potensial olaraq 25%-dən çox azalda bilər.

Qeyd edilib ki, ixrac edilən bananların 60%-dən çoxu "Panama xəstəliyi"nə yoluxur və ya istehlakçıya çatmazdan əvvəl tullantılara çevrilirdi.

Gözəl Həşimova