İqtisadiyyat.az xəbər verir ki, bu barədə Birləşmiş Krallığın Maliyyə Nazirliyi nəzdində fəaliyyət göstərən Maliyyə Sanksiyalarının Tətbiqi İdarəsi (OFSI) məlumat yayıb.

Sənəddə deyilir: “Aleksey Leonidoviç Fisun konsolidə olunmuş siyahıdan çıxarılıb və onunla bağlı aktivlərin dondurulması tədbiri artıq qüvvədə deyil”.

Fisun 2022-ci ilin sentyabrında "Sovkombank"da rəhbər vəzifə tutduğu üçün Britaniya tərəfindən sanksiya siyahısına salınmışdı. Hazırda sanksiyaların niyə ləğv olunduğu barədə rəsmi açıqlama verilməyib.

Qeyd edək ki, daha əvvəl ABŞ Maliyyə Nazirliyinin Xarici Aktivlərə Nəzarət İdarəsi (OFAC) də Aleksey Fisunun adını sanksiyalar siyahısından çıxarmışdı. O, 2022-ci ilin martında bu siyahıya daxil edilmişdi.