İqtisadiyyat.az xəbər verir ki, bu barədə məlumat şirkətin rəsmi saytında dərc olunub.

Məlumatda qeyd olunur: “İranın cavabı çox güman ki, ABŞ ilə əlaqəli gəmilərə hücum və ya onların ələ keçirilməsi ilə müşahidə olunacaq. Əgər Hörmüz boğazı bağlanarsa, bu, çox güman ki, ABŞ və İsrailə qarşı yönəlmiş konkret bir tədbir olacaq”.

"Ambrey" həmçinin vurğulayıb ki, hələlik ABŞ-nin Yaxın Şərqdəki hərbi əməliyyatlarını dayandırdığına dair qəti sübut yoxdur. Bundan əlavə, Yəməndəki “Ənsar Allah” hərəkatı da ABŞ-nin İrana endirdiyi zərbələrə cavab verəcəklərini bəyan edib.

Husilərin siyasi bürosunun üzvü Məhəmməd əl-Buhaiti bildirib ki, ABŞ-nin Yəmənlə əvvəlki razılaşmaları artıq qüvvəsini itirib. Onun sözlərinə görə, cavabın birinci mərhələsində husilər Qırmızı dənizdəki ABŞ qüvvələrinə raket zərbələri endirəcəklər.