Böyük Britaniyanın dövlət borcunun həcmi ötən ay son 62 ildə ilk dəfə olaraq ümumi daxili məhsulunu (ÜDM) ötüb.

İqtisadiyyat.az xəbər verir ki, bu barədə Britaniyanın Milli Statistika İdarəsinin (ONS) hesabatında deyilir.

Hesabat dövründə Britaniyanın dövlət borcunun ÜDM-ə nisbəti 100,1% və ya 2,267 trilyon funt-sterlinq (2,88 trilyon dollar) təşkil edib. Borcun ÜDM-ə nisbəti sonuncu dəfə 1961-ci ilin mart ayında 100%-i ötüb.

Məlumata görə, bu, dövlət sektorunun borclanmasının artması fonunda baş verib. Belə ki, dövlət sektorunun borclanması 20 milyard funt sterlinq (25,4 milyard dollar) təşkil edib ki, bu da 1993-cü ildən bəri ikinci ən yüksək göstəricidir.