BRİCS+ liderləri görüş zamanı Yaxın Şərqdəki vəziyyəti müzakirə edəcəklər.

İqtisadiyyat.az RİA Novosti-yə istinadən xəbər verir ki, bunu Rusiya Prezidentinin köməkçisi Yuri Uşakov bildirib.

Onun sözlərinə görə, əsas diqqət Global Cənubun inkişafına, o cümlədən dövlətlərarası əməkdaşlığa yönələcək.

"Həmçinin, müasir dünyanın aktual problemlərinin, beynəlxalq münasibətlər arxitekturasının təkmilləşdirilməsi və enerji təhlükəsizliyinin davamlı inkişafının təmin edilməsi məsələləri də müzakirə olunacaq",-deyə Uşakov əlavə edib.

BRİCS-in dövlət başçılarının sammiti 22-24 oktyabr tarixlərində Kazanda keçiriləcək. Bu tədbirdə yanvar ayında BRİCS-ə qoşulan beş yeni üzv dövlətin nümayəndələri də iştirak edəcəklər. Sammitdə Çin Xalq Respublikasının Sədri Si Cinpin də daxil olmaqla, müxtəlif dünya liderlərinin də iştirak edəcəyi gözlənilir.

Qeyd edək ki, Türkiyə Prezidenti Rəcəb Tayyib Ərdoğan da sammitdə iştirak edəcəyini təsdiqləyib.