İşdən çıxarılan əməkdaşı "Bravo"nu ("Azərbaycan Supermarket" MMC) məhkəməyə verib.

İqtisadiyyat.az xəbər verir ki, marketlər şəbəkəsinin keçmiş işçisi Mirmehdizadə Mirəhməd Mirəli oğlu Nizami Rayon Məhkəməsində iddia qaldırıb.

O, məhkəməyə müraciətində haqsız yerə işdən çıxarıldığını bildirib. Buna görə də işə bərpa olunmasını və işdən çıxarıldığı müddət üçün əməhaqqının ödənilməsi tələbini irəli sürüb.

İddia hakim Ülkər Yusifovanın sədrliyi ilə araşdırılacaq.

Hakim iddiaçının ərizəsini təmin edərsə, "Bravo" keçmiş əməkdaşını işə bərpa etməyə və ona əməkhaqqını da ödəməyə məcbur olacaq.