Karyerasında "Bavariya", "Liverpul", "Yuventus" kimi böyük klubların formasını geyinən, indi isə "Borussiya Dortmund"da oynayan Emre Can 2018-ci ildə xərçəng xəstəliyinə tutulduğunu açıqlayıb.

İqtisadiyyat.az xəbər verir ki, futbolçu açıqlamasında, "Çoxlu pulunuz ola bilər, hər şeyiniz ola bilər, amma ən vacibi sağlamlıqdır" deyib. 

"2018-ci ildə "Yuventus"a transfer olarkən tibbi yoxlamadan keçdikdən 1-2 ay sonra menecerim mənə zəng etdi və həkimə getməli olduğumu söylədi. Nə baş verdiyini anlaya bilməmişdim. Həkimlə danışanda səs tellərimin yaxınlığında şiş aşkar edildiyini və təcili əməliyyata ehtiyac  olduğumu söylədi".

"Tiroid xərçəngi diaqnozu qoyulmuşdu. Bu xəstəliyə aid heçnə bilmirdim. Daha sonra bezi testlər verdim və 2018-ci ilin oktyabrında əməliyyat oldum. Həmin vaxt yaşadıqlarım həyatımda çox şeyi dəyişdirdi. "Yuventus"a mənim bu xəstəliyimi aşkar etdiyi üçün minnətdaram".

Qeyd edək ki, futbolçu 2020-ci ildə 25 milyon avroya Dortmund təmsilçisinə transfer olub.