Ukraynanın Qərb silahları ilə Rusiya ərazisinə zərbələri "mütənasib şəkildə" verildiyi təqdirdə "beynəlxalq hüquqa görə qanuni" sayılır, lakin bu mövqe hələlik yalnız bir və ya iki Aİ ölkəsi tərəfindən paylaşılır.
İqtisadiyyat.az xəbər verir ki, bunu Aİ diplomatik xidmətinin rəhbəri Xosep Borrell Avropa İttifaqının müdafiə nazirlərinin görüşünün yekunlarına dair mətbuat konfransında deyib.
"Biz həmçinin Qərb silahlarının Rusiya ərazisindəki hərbi obyektlərə zərbələrinə qoyulan məhdudiyyətlərin aradan qaldırılması imkanını müzakirə etdik, bu, mütənasib şəkildə həyata keçirildiyi müddətcə beynəlxalq hüquq baxımından tamamilə qanunidir", - Borrell qeyd edib.
