Avropa İttifaqının (Aİ) baş diplomatı Xosep Borrell ilə Ermənistanın xarici işlər naziri Ararat Mirzoyan arasında telefon danışığı olub. Tərəflər xüsusilə Aİ ilə Ermənistan arasında tərəfdaşlığı müzakirə ediblər. 

İqtisadiyyat.az xəbər verir ki, bu barədə Borrell "X" mikrobloqunda məlumat verib. 

Aİ-nin ali nümayəndəsi Ermənistanın xarici işlər naziri Ararat Mirzoyan ilə məhsuldar söhbət etdiyini, Ermənistanın sabitliyini dəstəkləyən gərgin ikitərəfli gündəm və Aİ-Ermənistan Tərəfdaşlığının yeni gündəliyi haqqında danışdıqlarını bildirib.

"Regional məsələlərə gəlincə, mən Ermənistanla Azərbaycan arasında münasibətlərin normallaşması prosesini dəstəklədiyimi bir daha təsdiqlədim. Bizim ümumi məqsədimiz Cənubi Qafqazda sabit sülhdür", - Borrell bildirib.