Bolqarıstanın Müdafiə Nazirliyi Ukraynaya hazırda ölkənin silahlı qüvvələri tərəfindən istifadə edilməyən əlavə hərbi texnika verməyə hazırdır. 

İqtisadiyyat.az xəbər verir ki, bu barədə Bolqarıstan Teleqraf Agentliyi məlumat yayıb.

Məlumata görə, bunu NATO-nun müdafiə departamentləri rəhbərlərinin iclasında iştirak edən hökumətin müdafiə naziri Atanas Zapryanov Brüsseldə jurnalistlərlə görüşündə deyib.

Müdafiə Nazirliyinin rəhbəri əlavə edib ki, Bolqarıstan ordusunun ehtiyacı olmayan texnika və silahlar Ukraynaya ötürülür və anbarlardakı sursat ehtiyatı bu təchizatlar sayəsində yenilənir.