A Seriyasının komandalarından olan "Bolonya" baş məşqçi Tiaqo Motta ilə yollarını ayırıb.
İqtisadiyyat.az xəbər verir ki, Mottanın "Yuventus"la müqavilə imzalayacağı gözlənilir. Bolonya italyan çalışdırıcını başqa italiyalı məşqçi ilə əvəzləyib.
Son 2 mövsümdə "Fiorentina" ilə Konfrans Liqasının finalında çıxış edən Vinçenzo Italiano "Bolonya"nın yeni baş məşqçisi olub. Italiano ilə 2 illik müqavilə imzalanıb.
Bolonya gələn mövsüm tarixində ilk dəfə Çempionlar Liqasında mübarizə aparacaq.