“Merkuri” bank olmayan kredit təşkilatına məxsus avtomobil yol hərəkəti qaydasını pozub.

İqtisadiyyat.az xəbər verir ki, təşkilat barədə Dövlət Yol Polisi tərəfindən İnzibati Xətalar Məcəlləsinin 347-ci maddəsinə əsasən cərimə protokolu tərtib edilib.

Həmin maddədə deyilir ki, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir.

İşə Nəsimi Rayon Məhkəməsində hakim Solmaz Mustafayevanın sədrliyi ilə baxılacaq.

Qeyd edək ki, “Merkuri” Bank olmayan kredit təşkilatı 2012-ci ilin sentyabrın 26-da məhdud məsuliyyətli cəmiyyət olaraq dövlət qeydiyyatına alınıb.