Almaniyanın avtomobil istehsalçısı "BMW Group"un satışları bu ilin üçüncü rübündə Çindəki yavaşlama və əyləc sistemindəki problemlər səbəbindən 13 faiz azalıb.

İqtisadiyyat.az xəbər verir ki, bu barədə şirkətin hesabatında deyilir.

Hesabat dövründə "BMW"nin avtomobil satışları 13% azalaraq 540 min 882 ədədə enib. Avtomobil istehsalçısının eyni rübdə elektromobil satışları isə 0,1% artaraq 140 min 65-ə çatıb.

Digər tərəfdən "BMW"nin bu ilin yanvar-sentyabr dövründə satışları illik müqayisədə 4,5% azalaraq 1 milyon 754 min 158-ə enib.

 

Gözəl Həşimova