Almaniyanın avtomobil istehsalçısı "BMW" Rusiyada 37 mindən çox avtomobili təhlükəsizlik yastığı problemlərinə görə geri çağıracaq.
İqtisadiyyat.az dünya mediasına istinadən xəbər verir ki, "BMW" bu il ikinci dəfə təhlükəsizlik yastığı mexanizminin köhnəlməsi ilə bağlı mümkün problemlərə görə avtomobillərini geri çağırır.
Geri çağrılanlara 2006-cı ilin noyabrından 2014-cü ilin iyununadək istehsal olunmuş 37 276 "BMW X5" (E70 seriyası), "X6" (E72 seriyası), "X6" (E71 seriyası) avtomobilləri daxildir.
