Ukrayna buğdasının alış həcmi 2021-ci il səviyyəsinə qayıdıb.

İqtisadiyyat.az xəbər verir ki, bu barədə Birləşmiş Millətlər Təşkilatı (BMT) məlumat yayıb.

Məlumata görə, BMT-nin Ümumdünya Ərzaq Proqramı Əfqanıstan, Efiopiya, Keniya və Somaliyə dəstək vermək üçün Qara Dəniz Taxıl Təşəbbüsü vasitəsilə Ukraynadan buğda alışının həcmini artırıb. Bildirilib ki, Əfqanıstan, Efiopiya, Keniya və Somaliyə dəstək məqsədilə 700 min ton taxıl məhsulu alınıb.

BMT əlavə edib ki, Rusiya məhsullarının və gübrələrinin ixracı sayəsində 2022-ci ilin martından etibarən dünyada ərzaq qiymətləri 22% ucuzlaşıb.