BMT Təhlükəsizlik Şurası noyabrın 9-da Yaxın Şərq münaqişəsi ilə bağlı açıq iclas keçirəcək.
İqtisadiyyat.az-ın məlumatına görə, bunu jurnalistlərə BƏƏ-nin BMT-dəki daimi nümayəndəsi Lana Zəki Nuseyba deyib.
"BMT Təhlükəsizlik Şurasının açıq iclası cümə axşamı keçiriləcək", - o deyib.
Nuseyba əlavə edib ki, noyabrda BMT Təhlükəsizlik Şurasına sədrlik edən Çin bu humanitar fəlakəti diqqət mərkəzində saxlamaq üçün Təhlükəsizlik Şurasının həm rəsmi, həm də qeyri-rəsmi iclaslarını keçirmək niyyətindədir.
Daimi nümayəndə qeyd edib ki, BMT Təhlükəsizlik Şurası Təhlükəsizlik Şurasının 10 qeyri-daimi üzvü tərəfindən hazırlanmış Yaxın Şərq qətnamə layihəsi üzrə məsləhətləşmələr aparır və bütün 15 üzv ölkə müzakirələrdə iştirak edir.
