BMT Təhlükəsizlik Şurası (TŞ) BMT-nin Livandakı Müvəqqəti Qüvvələrinin (UNIFIL) mandatının bir il müddətinə uzadılmasını nəzərdə tutan qətnamənin lehinə səs verib.

İqtisadiyyat.az xəbər verir ki, Fransanın hazırladığı qətnamə layihəsi yekdilliklə qəbul edilib. 

Sənəd yeddi bənddən ibarətdir, bunlardan biri UNIFIL-in cari mandatının 31 avqust 2025-ci ilə qədər uzadılmasını nəzərdə tutur.

Bundan əlavə, qətnamədə tərəfləri təcavüzkarlıq nümayiş etdirməməyə, İsraili işğal olunmuş Livan torpaqlarından öz kontingentini çıxarmağa, Livanın quruda, dənizdə və ərazilərdə suverenliyini pozmamağa çağıran BMT Təhlükəsizlik Şurasının 1701 saylı qətnaməsinin tam icrası tələb olunur.