"Qırmızı dənizdəki eskalasiya,Ukraynadakı vəziyyət və Panama kanalının dayazlaşması qlobal ticarət üçün dağıdıcıdır".
İqtisadiyyat.az xəbər verir ki, bu fikri Birləşmiş Millətlər Təşkilatının Ticarət və İnkişaf Konfransının (UNCTAD) ticarət logistikası departamentinin rəhbəri Yan Hofman deyib.
Onun sözlərinə görə, Qırmızı dənizdəki gərginlik nəticəsində dünya ticarətinin təxminən 14%-i və "Süveyş" kanalı vasitəsilə konteyner daşımalarının təxminən 20%-i risk altındadır.
O bildirib ki, geosiyasi vəziyyətin pisləşməsi və iqlim dəyişikliyi çoxlu mənfi nəticələrə gətirib çıxarır: qiymət artımı, inflyasiya, dünyada tədarükün gecikməsi və qlobal fasilələr.
Gözəl Həşimova
