Birləşmiş Millətlər Təşkilatı (BMT) Sudanda İnteqrasiya Keçid Dövrünə Yardım Missiyasının (UNITAMS) çıxarılmasını başa çatdırıb.

İqtisadiyyat.az xəbər verir ki, bunu BMT baş katibinin mətbuat katibi Stefan Düjarrikin bəyanatında deyilir.

Məlumata görə, martın 1-də başlayacaq missiyanın ləğvi prosesinə nəzarət etmək üçün təşkilat işçilərindən ibarət kiçik bir qrup burada qalacaq. Onun sözlərinə görə, BMT-nin Baş katibi Antonio Quterreş missiyanın ləğvi məsələsində Sudan hakimiyyətinin tam əməkdaşlığına ümid edir.

Bildirilib ki, BMT Sudanı tamamilə tərk etmək niyyətində deyil və təşkilat ölkə sakinlərinə humanitar yardım göstərməyə davam edəcək.

 

Gözəl Həşimova