Birləşmiş Millətlər Təşkilatı İtaliyanı cəmiyyətdə və idman tədbirlərində irqçilik və ayrı-seçkiliklə mübarizə üçün "daha çox iş görməyə" çağırıb.

İqtisadiyyat.az xəbər verir ki, bu barədə Birləşmiş Millətlər Təşkilatının (BMT) İrqi Ayrı-seçkiliyin Aradan Qaldırılması Komitəsinin (CERD) verdiyi açıqlamada bildirilib.

Açıqlamada İtaliyanın media və internet məcralarında afrikalılara və digər azlıqlara qarşı siyasətçilərin və yüksək səviyyəli dövlət məmurlarının səsləndirdiyi nifrət nitqi və irqçi siyasi diskursdan narahat olunduğu bildirilib.

İtaliya nifrət nitqi və irqi ayrı-seçkiliklə mübarizə üçün qanunvericiliyi effektiv şəkildə həyata keçirməyə çağırılıb, ölkədəki bütün nifrət nitqi və irqi cinayətlərin effektiv şəkildə araşdırılması və rəsmi statusundan asılı olmayaraq günahkarların cəzalandırılması tələb edilib.