"Təxminən 80 il əvvəl formalaşmış mövcud maliyyə arxitekturası dövrün reallıqlarına cavab vermir, ədalətsiz və qeyri-adekvatdır".

İqtisadiyyat.az xəbər verir ki, bu barədə BMT-nin baş katibi Antonio Quterreş Münhen Təhlükəsizlik Konfransında çıxışı zamanı deyib.

Onun sözlərinə görə, mövcud maliyyə sistemi hələ də koronavirus pandemiyasının təsirlərini hiss edən ən yoxsul ölkələri uğursuzluğa düçar edib.

Quterreş beynəlxalq maliyyə arxitekturasının müasir beynəlxalq iqtisadiyyata uyğun olması üçün islahatların aparılmasının zəruriliyinə işarə edib.

 

Gözəl Həşimova