BMT Baş Assambleyası Fələstinin BMT-yə üzvlüyünün BMT TŞ-də yenidən müzakirə edilməsini və müşahidəçi statusuna malik Fələstinə bəzi əlavə hüquqlar verilməsini tələb edən qətnamə layihəsini qəbul edib.

İqtisadiyyat.az xəbər verir ki, bu barədə "TRT Haber" məlumat yayıb. 

Qeyd edilib ki, ABŞ 3 həftə əvvəl Birləşmiş Millətlər Təşkilatının Təhlükəsizlik Şurasında (BMT TŞ) Fələstinin BMT-yə tam üzvlüyünü tələb edən qətnamə layihəsinə veto qoyub.

Baş Assambleya qərarın yenidən səsə qoyulması üçün yeni qanun layihəsinə səs verib. Səsvermənin lehinə 143, əleyhinə 9 ölkə səs verib,  əleyhinə 25 ölkə bitərəf qalıb.

Beləliklə, Birləşmiş Millətlər Təşkilatının Təhlükəsizlik Şurası qərara yenidən baxacaq.