Birləşmiş Millətlər Təşkilatı tərəfindən qarşısı alınmağa çalışılan Şimali Kipr Türk Cümhuriyyətinin (ŞKTC) "Pile-Yiğitler Yolu Layihəsi" BMT Sülhməramlı Qüvvələrinin əsgərlərinin geri çəkilməsi ilə inşa edilməyə başlanılıb.
İqtisadiyyat.az Türkiyə mətbuatına istinadən xəbər verir ki, ŞKTC-nin Birləşmiş Millətlər Təşkilatının (BMT) nəzarətində olan Yaşıl Xətt üzərində yerləşən Pile kəndinə rahat gediş-gəlişi təmin etmək üçün inşası planlaşdırılan yol layihəsinin səhər saatlarından etibarən BMT Sülhməramlı Qüvvələrinin əsgərləri tərəfindən əngəlləndiyi qeyd edilib.
ŞKTC təhlükəsizlik qüvvələri BMT Sülhməramlılarına qarşı güc tətbiq edib. Bu isə gərginliyə səbəb olub. Hazırda gərginlik sona çatıb.
ŞKTC səlahiyyətliləri BMT əsgərlərinin bölgəni tərk etdiyini və yolda tikinti işlərinə başlanıldığını açıqlayıb.
Səlahiyyətlilər yol tikinti işlərinin təhlükəsizliyinin polis tərəfindən təmin ediləcəyini, BMT personalı və nəqliyyat vasitələrinin yolun keçəcəyi marşruta buraxılmayacağını bildiriblər.
