"Ümumilikdə 30 ölkə Ukrayna ilə ya ikitərəfli təhlükəsizlik sazişləri bağlayıb, ya da bu məsələ ilə bağlı danışıqlar aparır".

İqtisadiyyat.az xəbər verir ki, bu barədə ABŞ dövlət katibi Entoni Blinken Aİ-ABŞ Ticarət və Texnologiya Şurasında çıxış edərkən deyib.

Onun sözlərinə görə, adı çəkilməyən ölkələr sazişlər çərçivəsində Kiyevə maliyyə ayırmaq niyyətindədir.

Qeyd edək ki, Ukrayna artıq Böyük Britaniya, Almaniya, Danimarka, İtaliya, Kanada, Hollandiya, Finlandiya və Fransa ilə oxşar sazişlər bağlayıb.

 

Gözəl Həşimova