“Dünyada bir neçə əmək sistemlərinin tənzimlənmə sistemləri var. Və bu gün ən aktual olan iki model qalıb. Birinci model daha çox Amerikada və İngiltərədə tətbiq olunan və işəgötürənə üstünlük verən modeldir. İkinci model isə daha çox Avropa ölkələrinin mənimsədiyi model üzərində qurulub. Bu daha çox işçinin hüquqlarının daha bariz qorunması ilə səciyyələnən modeldir”.

İqtisadiyyat.az xəbər verir ki, bunu əmək və əhalinin sosial müdafiəsi naziri Sahil Babayev "İnsan Resursları Zirvəsi 2023" tədbirində deyib.

Nazir qeyd edib ki, bizim də ənənəvi olaraq hüquq sistemimiz daha çox sosial yönümlüdür:

“Bunun çox müsbət tərəfləri var. İşçilərin hüquqlarının qorunması baxımından pozitiv effekt verir. Amma eyni zamanda bu problem də yaradır. Problem ondan ibarətdir ki, sabah hansısa işçini işdən kənarlaşdırmaq çətin olacaqsa, səbəbi əmək müqaviləsi imzalamadan işlədilməsidir. Yəni, bu qeyri-formal məşğulluğa vüsat verir”.  

Nazir onu da əlavə edib ki, əmək qanunvericiliyi ilə bağlı yeni layihələr hazırlanıb və bu istiqamətdə müzakirələr aparılır.