İqtisadiyyat.az xəbər verir ki, bu barədə "Financial Times" məlumat yayıb.

Nəşrdə qeyd olunur ki, Vaşinqtonun xarici yardımları azaltması dünyanın həssas bölgələrində ərzaq və dərman ehtiyatlarının tükənməsinə, həmçinin qızılca, İİV və poliomielit kimi xəstəliklərin yenidən yayılmasına səbəb ola bilər.

Qeytsin sözlərinə görə, Mask Mozambikdəki Qaza vilayətində analardan uşaqlara İİV keçməsinin qarşısını almağa yönəlmiş qrantların da ləğv olunmasına göstəriş verib. O hesab edir ki, Mask bu addımı Vaşinqtonun Fələstinin Qəzza zolağında fəaliyyət göstərən HƏMAS döyüşçülərinə kontraseptivlər göndərdiyinə dair yanlış düşüncə əsasında atıb.

Bill Qeyts əlavə edib ki, Maskın ABŞ-nin Beynəlxalq İnkişaf Agentliyi (USAID) və onun missiyası barədə heç bir anlayışı yoxdur.